見到呢個畫面，令我諗起旺角西洋菜南街。
讀書時期最巴士閉就係去老旺，由花園街逛到登打士街，然後由街尾一直掃街掃返出洗衣街。邊間魚旦夠辣，邊檔豆腐夠臭，仲有邊間舖賣啲撈面最多蒜蓉，簡直合閉眼都識去。好深印象次次中午開始有位四眼夏召升坐喺輪椅度一味掃住兩個chord起勢唱「無法可修飾的一對手帶出温暖永遠在背後」唔知阿夏生仲有冇繼續日日開檔呢？
其實喺Buenos Aires 有好多遊客，個個音樂發燒友藝術家都慕名而來見識南美洲Tango發源地。一路行沿途都有好多有料音樂人街頭賣藝，聽住輕快嘅rhythm，但我心裏一直拉緊二胡。上年返嚟香港的僅餘兩次共兩星期，我已開始揾唔返老旺最辣嘅魚旦檔，檔撈撈難食咗好多，波鞋街無端端多咗棟樓，夏生又唔知去咗邊。
香港人因爲忙所以善忘，以前縱使成鬼日乜都唔記得就撻自己老人痴呆大哂啦。離開咗兩年幾，記憶同collagen一樣一到25歲就開始流失。我怕有一日我連地鐵都唔識搭，上忘命都唔識哎邊度落車。到時候請幫幫忙帶路唔該🙏🏻
講兩講我都要敷返個mask先，人老咗塊面理少一日都唔得掂🙄 👋🏻✋🏻
Search